Драгана
Лукан
Николоски

Анна

Театар Комедија · Режија: Нина Николиќ · 2025

Вториот дел од Трилогија за „љубовта“ — нова драма за современата жена, премиерно изведена во Театар Комедија. Во 2026 година ја доби наградата Гран при на Меѓународниот фестивал на камерен театар „Златен лав“ во Умаг.СинопсисАнна има навидум совршен живот: удобен дом, општествен статус и брак со влијателен државен службеник. Но зад сигурноста се кријат осаменост, потиснати желби и живот подреден на туѓите очекувања. Средбата со помладиот Алексеј ја отвора можноста за поинаков живот — и ја соочува со цената на одлуката да го избере.Обидувајќи се да го напушти бракот, Анна се судира со моќта на сопругот, заканата дека ќе го изгуби синот и општество кое женската желба ја претвора во морална вина. Но ни новата љубов не е едноставно ветување за слобода. Во потрагата по сопствен глас, таа станува јавно препознатлива преку видеа за љубовта, манипулацијата и женската независност — сè додека нејзината приватна приказна не стане предмет на јавно судење.Инспирирана од „Ана Каренина“ на Толстој, но не и нејзина драмска адаптација, „Анна“ ги преиспитува љубовта, мајчинството, привилегијата и правото на избор. Тоа е драма за жена која се обидува да престане да биде лик во туѓите претстави за среќа — и за општеството кое бара да ја казни за тоа.Извадок од драмата — сцена 3АЛЕКСЕЈ В.Каков е тој живот?АНАНормален. Стабилен. Безбеден.АЛЕКСЕЈ В.Среќен?Долга пауза. Ана гледа во чашата.АНАТоа не е релевантно прашање.АЛЕКСЕЈ В.Зошто не?АНАЗатоа што среќата е луксуз на привилегираните.АЛЕКСЕЈ В.Или храбрите.АНАИсто е.АЛЕКСЕЈ В.Не е исто.Ана погледнува кон него.АНАЗошто ми се јави?АЛЕКСЕЈ В.Затоа што од онаа вечер не можам да спијам.АНАТоа не е мој проблем.АЛЕКСЕЈ В.Не е?Нивните погледи се судираат. Хемијата меѓу нив е очигледна.АНАНе.АЛЕКСЕЈ В.Ама ти се тресе раката.Ана гледа во своите раце. Навистина треперат. Ја остава чашата на масата.АНАИмам испиено многу кафиња.АЛЕКСЕЈ В.Ана...АНАНе ме викај така.АЛЕКСЕЈ В.Како да те викам?АНАНикако. Не треба да ме викаш никако.Ана станува од столот, како да бега.Морам да одам.АЛЕКСЕЈ В.(исто така станува)Ана, почекај.АНАОва е грешка.АЛЕКСЕЈ В.Зошто е грешка да се чувствуваш жива?АНАЗатоа што не сум слободна да се чувствувам жива!За целосниот текст и информации за изведување, контактирајте ја авторката.

104

Eurodram · Театар Тетово · 2026

Завршниот дел од Трилогија за „љубовта“. Во 2026 година драмата беше избрана од Eurodram, европската мрежа за современа драма и превод. Информациите за премиерата во Театар Тетово ќе бидат додадени по официјална потврда.СинопсисМилена и Јован живеат во навидум совршена хармонија: убав стан од 104 квадратни метри, заеднички вечери и внимателно уредена секојдневност. По една вечера со пријателите, разговорот за љубовта, слободата и минатите врски се претвора во прашање: со колку мажи била Милена пред него? Таа одговара на шега — „104“. За Јован, бројот станува опсесија.Додека Милена се обидува да објасни дека нејзиното минато не ја менува жената со која се оженил, Јован сè повеќе го слуша Џо — неговиот сценски двојник, кој секој сомнеж го претвора во „доказ“, а секоја несигурност во обвинување. Нивните пријатели Искра и Марко се вовлечени во конфликтот, откривајќи ги противречностите меѓу зборовите за љубовта и очекувањата за поседување.Со остар хумор што постепено отстапува пред заканата од насилство, „104“ ги разоткрива сексуалните двојни стандарди, љубомората и контролата скриена зад сликата на среќен брак. Тоа е драма за моментот кога една жена престанува да ја оправдува сопствената неслобода — и кога еден маж ја претвора својата повредена слика за себе во опасност за другите.Извадок од драмата — сцена 6: СоочувањеЈОВАНСто и четири а?МИЛЕНАЗатоа си ваков?ЈОВАНПа, сто и четити е сто и четири.ЏОКурождерка!МИЛЕНАТоа беше шега.ЈОВАНШега а?МИЛЕНАШега! Искра има теорија...ЈОВАНДоста со таа Искра... Искра ова, Искра она. Знаеш дека не ми се свиѓа Искра.МИЛЕНАИскра има теорија дека на вистинскиот во твојот живот дури и да му кажеш дека си била со сто мажи пред него нема да му биде гајле.ЏОИскра има теорија....ЈОВАНКако ти дојде да кажеш баш сто и четири?ЏОТука во списаниево вика дека е практично бројот по потреба и да се намали. Што значи дека...МИЛЕНАТој број ми текна прв. Мислев дека е глупо да кажам сто. Вака демек како попрецизно, за да биде подобра шегата.ЏОЛеле колку е спремна. Искуство е во прашање.ЈОВАННе ми се јаде.МИЛЕНАТи си сериозен?!ЈОВАНМислам дека и ти беше сериозна ама сега кога виде дека јас се нервирам ја менуваш приказната.МИЛЕНАПа добро бе, дури и да се сто и четири. Што ако? Тоа е моја работа.ЈОВАНЕ не знам јас баш дали е само твоја работа.ЏОВо грешна црква си се крстел.МИЛЕНАМое тело моја работа.ЈОВАНПа сега тоа тело не е баш само твое.МИЛЕНАШто сакаш да кажеш? Дека имаш право на моето тело?ЈОВАНСакам да кажам дека не е чесно да ја немам таа информација пред да одлучам дали сакам да го поминам животот со тебе.МИЛЕНАСакаш да кажеш дека јас оваа Милена сега за која мислиш дека имала сто и четири љубовници не е онаа истата Милена со која се ожени.ЏОСака да каже дека си курождерка.ЈОВАНЈас мислев....МИЛЕНАШто мислеше ти, дека си ми прв. А ти, кажи ти колку си имал ти пред мене?ЈОВАНСигурно не се сто и четири.МИЛЕНАЕ, па, тоа е твој проблем.ЏОПрашај ја нека каже кој е вистинскиот број, сигурно е дупло поголем.ЈОВАНМилена, јас тебе те сакам...МИЛЕНААко ме сакаш нема воопшто да разговараме на оваа тема. И дури и да се сто и четири, ајде да направиме математика. Значи ти мене ме запозна на 32 години, мене првиот љубовник ми беше на 16, што значи дека во 16 години сум имала сто и три љубовници. Што од прилика би дошло по еден љубовник на скоро два месеци. Не е страшно.ЏОНе е страшно!!! Не е страшно!!!ЈОВАНТи мислиш дека тоа не е страшно?МИЛЕНАЈас мислам дека не сакам веќе да разговарам за ова. Или сфати дека се шегував или научи се да живееш со таа инфомација.ЈОВАНАко го предлагаш тоа значи дека тоа е точно.МИЛЕНАТи мене не ме слушаш.За целосниот текст и информации за изведување, контактирајте ја авторката.

Мајмунот што стана крал на луѓето

Политичка сатира · Драма-будалаштина · Шест сцени

СинопсисПо десет години експерименти, професорот Герасим создава уред што му овозможува на мајмунот Вуле да зборува. Но научниот триумф набргу се претвора во политички спектакл: разочараниот народ во Вуле препознава спасител и го избира за крал. Ветувањата за слобода и еднаквост стануваат апсурдни декрети, надзор и страв. Кога Владимир поведува бунт против него, се отвора прашањето дали смената на владетелот навистина го менува системот. Оваа „драма-будалаштина“ ја вклучува публиката во приказната за популизмот, послушноста и одговорноста на оние што ја предаваат сопствената моќ.Во поширокиот избор за наградата Aurora 2026, Полска.Извадок — Трета сцена: Првите декретиВУЛЕ(во микрофонот, авторитарно)ДЕКРЕТ БРОЈ ЕДЕН!Од денес сите улици ќе се викаат:„УЛИЦА МАЈМУНСКА“!(пауза за ефект)ДЕКРЕТ БРОЈ ДВА!Сите граѓани мора да одаткако што одам јас —или воопшто да не одат!ДЕКРЕТ БРОЈ ТРИ!Забрането е критикување на кралотна јавни места!НАРОД + ПУБЛИКА(шок, неверување)Што? Зошто?Не го вети тоа!Ова е лудост!ХОР(мрачно)Но кој ќе му се спротивстави?Кој има храброст?Кој има сила?Мајмунот ги држи конците...(Од хорот излегуваат неколку СОВЕТНИЦИ — носат мали мајмунски опашки како симбол.)СОВЕТНИК 1(нервозно)Ваше Величество...Можеби улиците треба да имаат броеви?За поштата... за навигацијата...ВУЛЕ(гневно)Не! Не сакам броеви!Броевите се збунувачки!Сите освен... освен нулите!(се воодушевува)Сакам нули!Многу нули!Кога ги гледам банкарските изводи,сакам да видам многу нулипо првата цифра!

Бодликави влакна

Современа квир драма што ги истражува генерациската траума и потиснатата желба.СинопсисМагдалена очекува ќерка, но наместо спокој, бременоста ѝ носи вознемирувачки соништа и враќање кон животот што се обидела да го остави зад себе. Во Амстердам, со Сара, за првпат почувствувала дека може да биде сакана без да се приспособува на туѓите очекувања. Но стравот од мајчиното неодобрување се покажал посилен од можноста да живее слободно.Движејќи се меѓу сегашноста, спомените и соништата, Магдалена повторно ги минува средбата со Сара, нивниот заеднички дом, разделбата и враќањето во семејството. Мајка ѝ Весна секоја форма на контрола ја оправдува со грижа, а Магдалена се обидува да разликува што навистина сака од она што научила дека мора да го сака. Во соништата ја посетуваат Сапфо, Вирџинија Вулф и Радклиф Хол — гласови што ја повикуваат да се соочи со својата вистина.„Бодликави влакна или Светлина разлеана по лицето“ е драма во единаесет сцени и пет соништа за љубовта меѓу жени, семејното премолчување и болката што се пренесува од мајка на ќерка. Со нежност, иронија и остри соочувања, драмата го поставува прашањето: како да престанеме да живееме според туѓиот страв — пред да го пренесеме на следната генерација?Извадок од драмата — сцена 4: ЗаљубувањеМАГДАЛЕНАЈа сакаше?САРАКого?МАГДАЛЕНАДевојката со столицата.САРАТоа веќе не е важно.МАГДАЛЕНАЗначи уште ја сакаш.САРАНе можеш да сакаш некој што сака да те зароби.МАГДАЛЕНАНе е тоа врвот на љубовта?САРАТоа нема никаква врска со љубов.(пауза)Дојдовме тука за ти да зборуваш.МАГДАЛЕНАЈас немам што да кажам.САРАОд што бегаш?МАГДАЛЕНАОд себе најмногу.САРАТоа е однапред изгубена битка.МАГДАЛЕНАОд мајка ми, бегам од мајка ми. Ама таа толку многу ме има заробено, што не можам да избегам од нејзе ни кога сум 3000 километри оддалечена.САРАМојата мајка е психолог. Таа тврди дека ако сакаш да видиш што ти е заебано во животот треба да пробаш да го раскажеш во 5 реченици.МАГДАЛЕНАЗа тоа ќе требаат уште неколку подморници.САРАПа, што чекаме тогаш?Сара носи нови пијачки, Магдалена ја гледа со некоја нежност и спокој, нешто што ѝ е ново во животот.МАГДАЛЕНАКако ми го направи ова?САРАШто тоа?Ги пуштаат малите чашки шнапс во пивото и пијат.МАГДАЛЕНАНишто.САРАИ? Петте реченици.МАГДАЛЕНАПосесивна, доминантна мајка за која се прашувам дали бескрајно ме сака или бескрајно ме мрази. Немам браќа и сестри, цел живот морам да бидам најдобра во сè. Никогаш никој ме нема прашано што сакам. Еден ден се разбудив и посакав само да излезам од дома и да одам, да одам некаде, без никаков план, без одредиште, само да заминам и да не се вратам никогаш.САРАТи фали една.МАГДАЛЕНАШто?САРАЕдна реченица, кажа само четири.МАГДАЛЕНАИзбегав, дојдов тука, ама сфатив дека нема каде да се бега кога тоа од кое што бегаш го носиш во себе.За целосниот текст и информации за изведување, контактирајте ја авторката.

Треперење помеѓу две подадени дланки

Драма инспирирана од љубовната приказна на Антон Чехов и Олга Книпер · Ракопис: Скопје, 2011 · Поставена во Велешкиот театар „Јордан Хаџи Константинов-Џинот“, октомври 2011 · Режија: Нина Николиќ

Синопсис„Треперење помеѓу две подадени дланки“ ја раскажува љубовта на Антон Чехов и Олга Книпер низ средби, разделби, писма и театарски сцени. Меѓу Москва и Јалта, желбата за заеднички живот се судира со болеста, семејните притисоци и посветеноста на уметноста. Во средиштето е Олга — актерка и жена која се обидува да ја сочува љубовта без да се откаже од театарот. Во нереален меѓупростор, каде што времето и смртта не ги прекинуваат разговорите, драмата ги преплетува нежноста, љубомората, вината и копнежот по недоживеаната блискост.Извадок — Почетниот монолог на ОлгаОЛГАДа се биде нечија муза, нечие сѐ, да се биде бескрајно сакан и бескрајно омразен. Да се биде жив и мртов истовремено.Ова е мојата приказна... Една жена и еден маж, раздалечени илјадници километри, а сепак толку блиски некаде во далечината.Јас, Олга Книпер, Чеховата германка Олга, цел живот го носам теретот на една безгранична љубов, цел живот во шест кратки години...22 март 1959 година, Москва. Многу долго не сум ти пишала. Чувствувам како да ме повикуваш. Мислам дека наскоро конечно ќе бидеме заедно. Најмил мој писателе. Времето престана да минува во мигот кога те загубив. Доаѓам мил мој Антоне. Доаѓам...

Франкенштајн

Театар за деца и младинци, Скопје · 2023 · Режија: Кокан Младеновиќ

Претстава според мотиви од „Франкенштајн“ на Мери Шели. Драгана Лукан Николоски е една од авторите на текстот и драматурзите. Колективот ја доби наградата за современа сценска драматизација и адаптација на фестивалот „Војдан Чернодрински“ во 2024 година и наградата на публиката на МЕСС во Сараево во 2025 година.Претставата ја освои и Наградата за колективна игра на 11. издание на Меѓународниот фестивал за анимација „Под волшебното стапче на Мерлин“ во Темишвар, Романија.Повеќе за наградата во Темишвар

Uhvati mi plavog medu

Позориште младих, Нови Сад · Драмска адаптација: Драгана Лукан Николоски · Режија: Емилија Мрдаковиќ · Премиера: 19 септември 2026

СинопсисЗа својот петти роденден, Свемир добива сино плишано мече, но мајка му не му дозволува да го отпакува: сака да го зачува убаво и чисто. Мечето останува на полицата, блиску до момчето, а недостапно за прегратка. Низ разговори, соништа и сеќавања, приказната ја следи празнината што ја остава една недоживеана радост и начинот на кој таа се пренесува во возрасниот живот. Драмска адаптација за детската потреба од нежност, родителската презаштита и сознанието дека љубовта се чува со допир и споделување, а не со целофан.Драмска адаптација на Драгана Лукан Николоски на истоимената сликовница на Силвија Шесто, со илустрации на Ванда Чижмек. Премиерата се одржа на 19 септември 2026 година во Позориште младих во Нови Сад, во режија на Емилија Мрдаковиќ.Извадок — Втора сцена (српски оригинал)MALI SVEMIRZašto ne možeš da izađeš?MEDAJer ona misli da me čuva.MALI SVEMIRA ti? Da li se osećaš sačuvanim?MEDA(nakon pauze)Osećam se... nepotpunim. Kao knjiga koju niko ne čita. Kao pesma koja nikad nije otpevana. Postoji, ali — da li zaista postoji?MALI SVEMIRTi postojiš. Ja te vidim svaki dan.MEDAVideti nije isto što i dotaknuti. Ti gledaš u mene kroz staklo. Kao u muzeju. A ja nisam muzejski eksponat, Svemir. Ja sam tvoj meda.

Пинокио и Црвенкапа во потрага по Аладиновата ламба

Театар за деца · Кумановски театар, 2011 — режија: Нина Николиќ · Албански театар за деца и млади, Скопје, 2023 — режија: Ибер Дејари

СинопсисДодека малата Сара заспива со приказна и со куклата Пинокио покрај себе, во нејзиниот сон се спојуваат световите на омилените бајки. Пинокио и Црвенкапа тргнуваат во потрага по Аладиновата ламба, надевајќи се дека Добриот Дух ќе ѝ помогне на болната Сара. Низ шумата ги очекуваат Волкот, стапици и необични средби, но најголемиот предизвик е да откријат што навистина сакаат да посакаат. Разиграна драма за деца за пријателството, сочувството и разликата меѓу себичната желба и желбата што носи добро и за другите.ПоставувањаКумановски театар, 2011 — режија: Нина Николиќ.Албански театар за деца и млади, Скопје, 2023 — режија: Ибер Дејари.ИзвадокЦРВЕНКАПАСакам да одам во шумата и да берам цвеќиња. Ама мама не ме пушта во шумата затоа што таму е страшниот Волк кој сака да ме изеде.Знам! Ќе посакам да умре страшниот Волк.ПИНОКИОТоа е злобна желба.ЦРВЕНКАПАПа и Волкот е злобен затоа што сака да ме изеде.ЛОВЏИЈАТАПа тогаш можеш да посакаш Волкот да биде добар. И ако Волкот е добар тогаш и јас нема да сакам да го уловам и шумата ќе стане едно убаво и безбедно место за игра.

Хајди

Театар за деца · Театар за деца и младинци, Скопје · Драматизација: Драгана Лукан Николоски · Режија: Драгана Гунин

„Хајди“ е сценска приказна за надежта, пријателството и чувството на слобода што го носи природата. Девојчето го пронаоѓа своето место во планината, а ова ново читање на класичното дело ја истакнува потребата за припадност и силата на искреното пријателство. Драматизацијата ја приближува приказната до денешните деца, задржувајќи ја нејзината нежност и верба во поврзаноста меѓу луѓето и природата.Театар за деца и младинци, СкопјеДраматизација: Драгана Лукан НиколоскиРежија: Драгана ГунинОфицијална страница на претставата