„104“ во изборот на Eurodram
Драмата „104“ од Драгана Лукан Николоски е вклучена во изборот на Eurodram за 2026 година — оригинални драмски текстови препорачани за превод. Со овој избор, европската мрежа за драма во превод го насочува вниманието кон делото и неговото претставување во други јазични средини.
„104“ е завршниот дел од Трилогија за „љубовта“. Навидум хармоничниот брак на Милена и Јован се разнишува кога еден шеговит одговор за нејзиното љубовно минато станува негова опсесија. Преку остар хумор и растечка напнатост, драмата ги разоткрива сексуалните двојни стандарди, љубомората и контролата скриена зад претставата за совршен заеднички живот.
Изборот на Eurodram е препорака за превод на оригиналниот текст, а не награда за веќе изработен превод.
Прочитајте синопсис и извадок од „104“ · Официјален избор на Eurodram за 2026